Аймгийн ИТХ-ын Тэргүүлэгчдийн хуралдаанаар Засаг даргын Тамгын газрын 3 дугаар байр буюу Архивын барилгыг газрын хамт нээлттэй дуудлага худалдаагаар худалдлаа. Дуудлага худалдаанд 28 иргэн оролцож дуудах доод үнийг 50 сая төгрөгөөс эхлэн дуудлаа. Тус барилга, түүний газрын байршил нь хотын А зэрэглэлд хамаардаг, цаашид үйл ажиллагаа эрхлэхэд тохиромжтой учраас үнийн дээд саналыг 206 сая 400 мянган төгрөг хүртэл дуудаж ялагчийг тодрууллаа. Дуудлага худалдааны ялагч нь хуульд заасны дагуу 14 хоногийн дотор төлбөрийг барагдуулж объектыг өмчлөлдөө шилжүүлжх эрхтэй болсон байна. Харин энэ хугацаанд төлбөрөө төлөөгүй тохиолдолд дараагийн үнийг саналыг хэлсэн хоёрдогч этгээд авах эрхтэй байдаг байна.