Аймгийн Цагаатгах ажлыг удирдан зохион байгуулах салбар комиссоос Алтай хотын 12 жилийн ЕБС-иудын 10 дугаар ангийн сурагчдад "Улс төрийн хилс хэрэгт хэлмэгдэгсдийг хүндэтгэх, хэлмэгдэгсдийг цагаатгахын учир" нь сэдэвт сургалтыг аймгийн Иргэний танхимдаа зохион байгуулж, харилцан ярилцлага зохион байгууллаа. Сургалтыг нээж аймгийн Цагаатгах ажлыг удирдан зохион байгуулах салбар комиссын нарийн бичгийн дарга Л.Болормаа үг хэлж, улс төрийн хэлмэгдүүлэлт түүний хор уршигийн талаар яриа таниулга хийлээ.
Улс төрийн хэлмэгдүүлэлт, түүний хор холбогдол, хэлмэгдэгсдийг цагаатгахын учир сэдвээр аймгийн ИТХТ-ийн ажлын албаны ажилтан П.Нандинцэцэг сургалт, харилцан ярилцлага зохион байгууллаа.
Сургалт ярилцлагад 4 суруулийн түүх, нийгмийн багш нар, 100 орчим сурагч оролцлож санал бодлоо чөлөөтэй илэрхийлж оролцлоо. Сургалтад оролцогсдын идэвхийг нэмэгдүүлэх зорилгоор улс төрийн хилс хэрэгт хэлмэгдэгсдийн түүхийн талаар 2 асуулт асууж хамгийн түрүүнд зөв хариулсан 2 сурагчийг дурсгалын зүйл, мөнгөн шагналаар урамшууллаа.