Үндэсний их баяр наадам, Тулгар Төр байгуулагдсаны 2228 жил, Их Монгол Улс байгуулагдсаны 813 жил, Ардын хувьсгалын 98 жилийн ой, Аймгийн баяр наадмын Нээлтийн үйл ажиллагаа өргөн дэлгэр боллоо.
Аймгийн Засаг дарга В.Рэнцэндорж баяр наадмыг нээж , хотол олноороо сайхан наадахын билиг оршоож мэндчилгээ дэвшүүллээ.
Нээлтийн үеэр Монгол Улсын Ерөнхийлөгчийн зарлигаар Төрийн дээд одон, медаль хүртсэн иргэдийн шагналыг аймгийн ИТХ-ын дарга Л.Батжаргал, Засаг дарга В.Рэнцэндорж, Засаг даргын орлогч бөгөөд Баяр наадмыг зохион байгуулах хороон дарга Ж.Ганбат нар гардуулж баяр хүргэлээ.
Түүнчлэн Алтай нутгаас төрсөн алдартнуудын “Дурсамж" жагсаал, аймгийн тусгай чиг үүрэг бүхий байгууллагуудын хүндэтгэлийн жагсаал болон нүд сэргээж, сонор баясгам урлагийн үзүүлбэрээр дүүрэн байж иргэдэд бахдах сэтгэл төрүүлсэн нь онцлог байлаа.
