УИХ-ын Төрийн байгуулалтын байнгын хорооны санаачилгаар "Нутгийн өөрөө удирдах байгууллагын чадавхийг хөгжүүлж, эрх зүйн орчныг сайжруулах нь" сэдэвт баруун бүсийн ИТХ-ын Төлөөлөгчдийн чуулга уулзалт Баян-Өлгий аймагт болж өнгөрлөө.
           Энэхүү чуулганд УИХ-ын Төрийн байгуулалтын байнгын хорооны дарга А.Бакей, УИХ-ын гишүүн М.Батчимэг болон УИХ-ын Тамгын газар, НҮБ-ын хөгжлийн хөтөлбөртэй хамтарсан "Нутгийн өөрөө удирдах байгууллагын чадавхийг бэхжүүлэх" төслийн багийн төлөөлөл, баруун 5 аймгийн ИТХ-ын Төлөөлөгч нар оролцож мэдээлэл солилцов.
             Мөн НӨУБЧБ төслийн зөвлөх Д.Ганзориг Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуульд орох нэмэлт өөрчлөлт, хуулийн төслийг танилцуулан уг хуулийн төслөөр хэлэлцүүлэг хийсэн бөгөөд Нутгийн өөрөө удирдах байгууллагад тулгамдаж байгаа асуудал болон хуулийн төсөлд оруулах нэмэлт өөрчлөлтийн талаар санал бодлоо солилцлоо.